لو كنت “منتج” كم يكون سعرك في السوق؟

ما هي قيمتك السوقية؟ لو انت “منتج” كم يكون سعرك في السوق؟ في منتجات تسعر بناء على “القيمة المضافة – Value Based Pricing” وفي منتجات تسعر بناء على “التكلفة – Cost Based Pricing”.

بشكل عام المنتج الي يسعر نفسه بناء على التكلفة دائما ارباحه محدوده اما المنتج الي يسعر نفسه بناء على القيمة المضافة فأرباحه مضاعفة.

ليش في واحد يكلف الشركة 10 ريال بالساعة وشخص أخر يكلف الشركة 1000 ريال بالساعة؟

كل واحد فيهم يقدم “قيمة مضافة” معينه. الشركة ما راح تدفع 1000 ريال بالساعة الا وهي عارفة انها بتدخل من وراها 2000 ريال

السؤال الي لازم تطرحه على نفسك، ساعة من وقتك ايش ممكن تنتج فيها للشركة؟ من خبراتك وعلمك ومهاراتك ايش ممكن تستفيد منك الشركة؟

تسعير المنتج بناء على القيمة المضافة لا يضع التكلفة لانتاج المنتج امام عينه، فمن الممكن ان يكون المنتج كلف الشركة 5 ريال لكن بناء على عوامل متعددة منها الندرة والحاجة وقيمة البراند وامور اخرى يتم تسعير المنتج بـ 100 ريال. هذه العوامل الي ساعدة في رفع سعر المنتج هي العوامل الي المفترض تبنيها في قدراتك ومهاراتك حتى ترتفع قيمة الساعة الواحدة من وقتك من 10 ريال الى 1000 ريال أو أكثر

على سبيل المثال، تكلفة الايفون تقدر بـ 800 ريال لكن يباع بـ 4 الاف ريال! وانت يا فالح تشتريه! طيب ليش أشتريته؟ لانك تحتاجه ولانك مؤمن فيه ولأنك واثق في الشركة الي وراه ولان المنافسين تعتبرهم ضعيفين! طيب انت اليوم ايش؟ ايفون ولا جوال ابو كشاف؟ واذا انت جوال أبو كشاف كيف تصير أيفون؟

تصير أيفون طال عمرك بأمور مختلفة منها بناء سمعة جيدة “براند لنفسك” خلي الناس الي حولك تؤمن فيك ابدأ بأهلك واصحابك واقاربك، لازم يكون فيك خصله تميزك عن غيرك. اذا ولد عمك خرب كمبيوتره يدق عليك لانه يعرف انك ابو الكموبيترات وامورها! اذا بغى صديقك يشتري سيارة مستعمله دق عليك لان يعرف انك فاهم فيها

اذا كنت الشخص المعروف بين أهلك واصحابك بالرجل الذي يصلح الكمبيوترات وانت فعلا فيك شغف وحب لهالشغله، استثمر فيها وابني مهاراتك فيها لين تصير افلاطون بني حاسب، اخلط ما بين هوايتك ودراستك ومهاراتك وابدا اول شغله تصلح فورمات في محل كمبويتر.. ما راح تصير مدير الكمبيوترات في يوم وليلة!

الشخص الي يتخرج من الجامعة ويقعد على جمب ويقول ليييش ما عزمتوني؟؟ ليش ما وظفتوني ويلوم عدم حصوله على وظيفه على الاجانب او على الشركات او على اي شي هو شخص يحب يعيش دور الضحية دور حياة الفهد في الدراما الكويتيه!

لا تتشائم يا صديقي، صحيح في تشوهات اقتصادية واجتماعية وقاعدة تتصلح في الرؤية 2030 بس انت أصمل وشد حيلك، في 200 الف سعودي رواتبهم فوق ال 10 الاف السنة الماضية، تقدر تصير واحد منهم اذا عرفت كيف تطور نفسك وكيف تتدرج في العمل وكيف تخرج من دور الضحية الى الميدان، والميدان يا حميدان.

كونك حصلت على الدرجة العلمية وتعرف كمبيوتر وتعرف إنجليزي، هذا لا يعني انك راح تدخل للشركة 2000 ريال بالساعة وتطلب راتب 1000 ريال بالساعه! ايش قيمتك المضافة؟ ايش تقدر تسوي للشركة او المنظمة الي انت فيها عشان تجري وراك مو انت الي تجري وراها؟ كيف يكون واضح للي قدامك قيمتك السوقية؟

إذا كنت طالب في الجامعة وتبحث عن وظيفة خلال سنوات الدراسة فغالبا  محد حيجري وراك دحين وانت طالب! عشان كذا لازم تقتنع بفكرة التدرج. لازم تبدأ صغير عشان تكبر، ما في بني أدم انولد من بطن امه يحل معادلات رياضية، ما في شجرة طلعت بدون بذور، كل شي يبدأ صغير ويكبر فلا تتكبر والكل حيدعمك، ابوك وامك لو شافوك تشتغل ولو شغله بسيطه راح يفرحو فيك!

انت تحتاج تدخل من الباب”موظف بسيط” عشان توصل للمجلس “مكتب المدير”، تحتاج تطلع الدرج عشان توصل لغرفة النوم “تتقاعد” انت تحتاج تمشي برجولك عشان توصل للباب وتحتاج تمشي برجولك عشان توصل للمجلس وتحتاج تمشي بنفسك عشان توصل لغرفة النوم! محد حيدفك ويوصلك الا نفسك

برامج السعودة الي وزارة العمل شغاله عليها هي مجرد إجبار للشركات لفتح الباب لشباب وشابات دقو الباب وما في يدهم شي، لما توصل للباب “موظف بسيط” كثر من المفرحات والمفطحات والكيك في يدك، خلي الي ورا الباب يفتحلك بدون ما يكون مجبر! الوزارة مستحيل تدخلك للمجلس “مدير” بدون ما تمر من الباب “موظف بسيط”

لا نقصد بالمفرحات والمفطحات والكيك انك ترشيهم! لا يا حبيبي الله يخليك لا تفلم! المفرحات هي تعبير مجازي بأن يكون بجعبتك المهارات والقدرات الي هم يحتاجونها، الوجبه الدسمه الي كانو ينتظرونها، الشخص المطلوب لانجاز قائمة من المهام، مو شخص يحتاج اعلمه عشان يبدأ ينجز، تكون قادر على الانتاج من اول يوم (او خلال اول شهر)

للتنويه للقاعدة دائما شواذ، على سبيل المثال اذا كنت مميز دراسيا وفي مرتبة الشرف الاولى بتخصص قوي فالشركات الكبيره ممكن تتبناك وتدخلك في مسار سريع يهدف انه يبنيك كمدير قسم في المستقبل القريب، هذه البرامج تختصر الطريق وممكن تكون طريقة مختلفه عن التدرج الوظيفي التقليدي. مشكلة هذا الطريق هي ان غالبا الشخص الموفق اكاديميا ويكون من النوابغ قد يكون عنده قصور في المهارات الاجتماعيه والذكاء الاجتماعي والمهارات الناعمه Soft skills ونسبة قليلة منهم والي هم اصلا قليل يكون جامع بين الاثنين. اذا كنت هذا الشخص الخرافي الي جامع بين الإثنين يمكن ما يحتاح تفكر في العمل وقت الدراسة وتركز في الدراسة بس

الي راتبه 60 الف يستغرب من الي راضي براتب 30 الف والي راضي براتب 30 يستغرب من الي راضي بـ 10 والي راضي بـ 10 يستغرب من الي راضي بـ 3!

لا يوقف طموحك ولما توصل لـ 3 خطط لـ 10 ولما توصل لـ 10 خطط لـ 30 ولما توصل لـ 30 خطط لـ 60 ولما توصل لـ 60 خطط 100 واتذكر دائما في ناس رواتبهم أعلى من 100 الف بكثير وان سقف الطموحات ما يوقف.

لقراءة المزيد عن الفروقات في تسعير المنتجات (القيمة VS التكلفة) هذا مقال صغير ومفيد

4461 مجموع المشاهدات 1 مشاهدات اليوم