#البدايات_المتواضعة ملهمة! شركة #المسافر بدأت في سطح هذا المبنى في حي السلمانية بالرياض وقف على نجاحها فريق عمل #سعودي بدأ بمركز إتصال وحسابات سوشل ميديا وصار موقع ومن ثم تطبيق بتدرج منطقي وسريع وخلال فترة وجيزة أستحواذت مجموعة الطيار على 60% منها بقيمة 22.5 مليون ريال #سعودي
رغم أن المنافسة عالمية وقوية إلا ان فريق العمل قدر يخترق السوق المحلي عبر فهم العميل والتحدث بلغته، اي أحد يقدر يفتح موقع حجوزات فنادق اليوم وما يكلفه اكثر من 100 الف ريال، لكن نجاح المشاريع يعتمد على فريق العمل المتجانس والمتكامل إبتداء من موظف خدمة العملاء الى المستثمر الواعي
فرص العمل في الشركات الناشئة مهمة جدا للباحث عن عمل، هي شركات صغيرة أو متناهية الصغر ولأنها صغيرة الكل فيها يشتغل كخلية النحل، تخيل نفسك تخرجت من الجامعة وتوظفت بشركة المسافر يوم كانت بسطح هذا المبنى وأشتغلت معاهم من الصفر، تقدر تتخيل حجم التجارب العملية الي عشتها واتعلمتها؟
خبرة سنة واحدة بشركة ستارت أب نجحت يساوي 5 سنوات (أقل او أكثر) في شركة كبيرة، ليش؟ لأنك بتشتغل كل شي، وبتفهم كل شي، ولازم تنجز كل شي! أما لو أشتغلت بشركة كبيرة ومهمتك كل يوم تسوي نفس الشغله، فخبرتك راح تكون محدودة بهالشغلة الي تسويها كل يوم! لذلك الـ 10 سنوات فيها = سنة وحدة
صحيح شركات الاستارب أب راح تعطيك راتب ضعيف لانها تحتاج الفلوس في هذي المرحلة الحرجة، لكن الفلوس مو كل شي خصوصا في مرحلتك أنت. غالبا توك أتخرجت فالمسؤوليات الي عليك مو كبيرة، في العادة بالعمر هذا ما اتزوجت ولا فتحت بيت فهي فرصتك الوحيدة انك تغامر بهدف التعلم
هم متورطين ما يقدرون يجيبون واحد خبير لان راتبه بيكون عالي، وانت متورط لانك تحتاج راتب عالي بس ما عندك خبرة. والورطتين لو جمعتهم ببعض تظهر لك الفرصة، فرصة انك تشتغل وتكسب الخبرة الي تحتاجها عشان المرحلة الي بعدها تدخل للمقابلة الشخصية وانت راضي عن نفسك وعندك هرجة!